[i556]
DE LA VILLE DE PARIS.
459
DCCCLIV. — Lettres du Roy. — Secours du Pape.
io décembre 1556. (Fol. 220 v°.)
De par le Roy.
Trés chers et bien amez,
"Nous vous avons n'a gueres escript que, pour ayder à satisfaire aux grans fraiz et despenses qu'il nous convient faire à cause de l'armée que nous as­semblons presentement pour le secours de Nostre Sainct Pere le Pape'1', il nous est besoing et neces­saire de recouvrer par vostre bon moyen la somme de deux cens mil livres, baillant par icelle Ville telle rente que nous avons cy devant acoustumé sur cer­tains greniers mentionnez en ung petit estat que nous vous avons envoyé, lesquelz nous voullons y ypothequez et affectez '2>.
"Et pour ce que nous n'en avons eu aucune res­ponce de vous, et que la neccessité de noz affaires ne peult permettre plus grande dilation ne retarde­ment sans grandement importer à nostre service,
nous avons bien voullu vous escripre la presente par ce chevaulcheur exprez, par lequel vous nous ferez entendre le devoir et dilligence par vous faitte de nous trouver lad. somme de 11e m. livres à la con­dition susditte, d'autant qu'il est trés neccessaire pour le bien de noz affaires que nous l'ayons par tout ce moys : par quoy faittes en sorte, comment que ce soit, qu'il n'y aict aucune faulte; et vous nous ferez service trés agreable.
"Donné à Sainct Germain en Laye, le xe jour de Decembre mil vc lvi. n
Signé: "HENRY". Et au dessoubz : «Hurault».
Et à la subscription :
A noz trés chers et bien amez les Prevost des Marchans et Eschevins de nostre bonne Ville et Cité de Paris.
DCCGLV. — Assemblée pour iic m. livres demandez par le Rov.
12 décembre i556. (Fol. 221 r°.)
Du samedi xii0 jour de Decembre v° lvi.
Au jour d'huy a esté faitte Assemblée generalle, en la Grande Salle de l'Ostel de ceste Ville, de tous les Estatz de lad. Ville, pour adviser sur la somme de 11e m. livres demandez par le Roy à lad. Ville; en laquelle Monsr le Prevost des Marchans Perrot a re­cité que le Roy avoit escript deux lettres missives à lad. Ville pour recouvrer lesd, n° m. livres pour ses
urgens affaires'3*, en telle asseurance qu'il avoit n'a gueres baillée pour les vu11 m. livres.
El après lecture faitte desd. Lettres en lad. As­semblée, a esté conclud de remettre le faict de lad. Assemblée à mardi prochain une heure de relevée, pour ce que Ies mandez appellez à icelle Assemblée ne se sont trouvez en nombre suffisant.
DCCCLVI. — IIe Assemblée pour lesd. iicm. livres.
15 décembre 1556. (Fol. 221 r°.)
Du mardi quinziesme jour de Decembre mil v° lvi.
En Assemblée generalle le jour d'uy faitte, en la Grande Salle de l'Ostel de la Ville de Paris, pour seconde foys, de Mess" les Prevost des Marchans, Eschevins, Conseillers, Quarteniers et huit notables personnes de chascun quartier, tant Officiers du Roy que Marchans et autres Personnes et Communaultez acoustumées estre appelleez en telles assemblées et
congrégations, pour adviser sur les urgens affaires du Roy; en laquelle se sont trouvez c'est assavoir :
monsr Perrot, Prevost des Marchans;
monsr le general Boursier, monsr de Courlay, con­trerolleur de l'Audience, sire Michel Du Ru, sire Jehan Messier: Eschevins;
monsr Lormier me des Comptes, monsr de Livres, monsr le Lieutenant particulier, m0 Thomas de Brage-
") Les hostilités entre le Pape et l'Empereur avaient été rouvertes dès le mois d'octobre précédent, après la rupture de la trève de Vauzelles : voir ci-dessus art. DCCCXXXVIII.
(2) Ce passage faitsans doute allusion à l'ttextraict" dont l'envoi est annoncé dans les précédentes lettres (3 décembre, art. DCCCL), mais qui n'a pas été transcrit au Registre.
a) Lettres des 3 et io décembre, rapportées ci-dessus art. DCCCL et DCCCLIV.